GCRT
მარტი 25, 2024
ღია კონკურსი ქალი ფოტოგრაფებისა და ვიზუალური ხელოვანებისთვის
GCRT GrlzWave-თან ერთად, აცხადებს ღია კონკურსს და მონაწილეობის მისაღებად იწვევს ქალ ფოტოგრაფებს, კინორეჟისორებსა და ვიზუალური თხრობით (ფოტოგრაფია და ვიდეო) დაინტერესებულ პირებს/საინიციატივო ჯგუფებს საქართველოდან.
ღია კონკურსი ცხადდება შემდეგ ორ კატეგორიაში:
- ქალთა საკითხებზე ფოტო პროექტის შექმნა;
- ქალთა საკითხებზე მოკლე ვიდეოს შექმნა.
თითოეულ კატეგორიაში გამოვლინდება სამი გამარჯვებული, რომელსაც შეარჩევს მოწვეული ჟიური. ფოტო პროექტის განსახორციელებლად თითოეული გამარჯვებული მიიღებს სტიპენდიას 1000 ევროს ოდენობით, მოკლე ვიდეოს შესაქმნელად კი 1500 ევროს.
Პროექტის განსახორციელებლად განსაზღვრულია ოთხი კვირა.
ორივე კატეგორიაში გამარჯვებული პროექტის ავტორები, მოწვეულ მენტორთან გაივლიან კონსულტაციას და მიიღებენ პრაქტიკულ რჩევებს გადაღების დაგეგმვასა და მის განხორციელებასთან დაკავშირებით.
ეთნიკური უმცირესობების წარმომადგენლებსა და მონაწილეებს საქართველოს რეგიონებიდან მიენიჭებათ უპირატესობა.
ღია კონკურსი ქალი ფოტოგრაფებისა და ვიზუალური ხელოვანებისთვის მცდელობაა შექმნას ახალი პერსპექტივები, გააჟღეროს გამოუთქმელი ხმები და ამბები იმ გამოცდილებებისა და სირთულეების შესახებ, რომლებსაც ქალები ყოველდღიურ ცხოვრებაში აწყდებიან, გამოიყენოს ფოტო/ვიდეო მედიუმი ადამიანის სამყაროს შესასწავლად.
კონკურსის მიზანია ქალთა მიმართ ძალადობის საკითხების შესახებ ცნობიერების ამაღლება და რისკის ქვეშ მყოფი ქალებისა და გოგონების ცხოვრებაში პოზიტიური ცვლილების ხელშეწყობა.
კონკურსში მონაწილეობის მსურველმა სრულწლოვანმა პირებმა გამოაგზავნეთ შემდეგი დოკუმენტები ქართულ ენაზე:
- Პროექტის ფარგლებში შესაქმნელი ნამუშევრების კონცეფცია (მაქსიმუმ 300 სიტყვა)
- Ნამუშევრების პორტფოლიო PDF ფორმატში (მაქსიმუმ 5MB)
- Რეზიუმე (CV)
დოკუმენტები უნდა გამოიგზავნოს შემდეგ მისამართზე: info@gcrt.ge
იმეილის სათაურში მიუთითეთ შემდეგი ინფორმაცია: სახელი გვარი – ღია კონკურსი – ფოტო პროექტი ან ვიდეო პროექტი
განაცხადების მიღების ბოლო ვადაა: 2024 წლის 12 აპრილი.
დამატებითი კითხვების შემთხვევაში მოგვწერეთ შემდეგ მისამართზე: info@gcrt.ge
ღია კონკურსი ცხადდება პროექტის “ოჯახში და გენდერული ნიშნით ძალადობის წინააღმდეგ ბრძოლის ხელშეწყობა” ფარგლებში, რომელსაც ახორციელებს GCRT ევროკავშირის ფინანსური მხარდაჭერით პარტნიორ ორგანიზაციებთან ერთად.
