ღია კონკურსში გამარჯვებული ვიზუალური ხელოვანების ნამუშევრების პრეზენტაცია

ქალი ფოტოგრაფებისა და ვიზუალური ხელოვანების გამოფენა GCRT-სა და GrlzWave-ს ერთობლივი პროექტია, რომლის მიზანია ქალთა მიმართ ძალადობის საკითხების შესახებ ცნობიერების ამაღლება და რისკის ქვეშ მყოფი ქალებისა და გოგონების ცხოვრებაში პოზიტიური ცვლილების ხელშეწყობა.

კონკურსის ფარგლებში შერჩეული სამი ფოტო და სამი ვიდეო მედიუმში მომუშავე ხელოვანის ნამუშევრების პრეზენტაცია ორ ქალაქში- თბილისსა და რუსთავში ჩატარდა.
ნამუშევრების გამოფენას თბილისის ფოტოგრაფიისა და მულტიმედიის მუზეუმმა და რუსთავში, სოციალურმა კაფე-ბარმა, პროფესიომ უმასპინძლა.

გამოფენაში მონაწილე ხელოვანები: თათია ცერცვაძე, გვანცა ბლიაძე, თიბათვე, მანანა ქველიაშვილი, მარი ბაბაევი, მარიამ მზესუ გიუნაშვილი.

ღია კონკურსი ქალი ფოტოგრაფებისა და ვიზუალური ხელოვანებისთვის მცდელობაა, შექმნას ახალი პერსპექტივები, გააჟღეროს გამოუთქმელი ხმები და ამბები იმ გამოცდილებებისა და სირთულეების შესახებ, რომლებსაც ქალები ყოველდღიურ ცხოვრებაში აწყდებიან.

გამოფენა შეიქმნა პროექტის “ოჯახში და გენდერული ნიშნით ძალადობის წინააღმდეგ ბრძოლის ხელშეწყობა” ფარგლებში, რომელსაც ახორციელებს GCRT ევროკავშირის ფინანსური მხარდაჭერით პარტნიორ ორგანიზაციებთან ერთად.