GCRT თებერვალი 21, 2024

კვლევის “კრიმინალური მენტალიტეტი და მისი გავლენა საზოგადოებაზე” შედეგების პრეზენტაცია

21 თებერვალს გაიმართა ევროკავშირის მხარდაჭერით ჩატარებული კვლევის „კრიმინალური მენტალიტეტი და მისი გავლენა საზოგადოებაზე“ შედეგების პრეზენტაცია.

კვლევა ჩატარდა პროექტის – „სამოქალაქო საზოგადოება აღდგენისუნარიანობისა და უსაფრთხოებისთვის (CiSSCo)” ფარგლებში, რომელსაც ახორციელებს ფონდი „გლობალური ინიციატივა ფსიქიატრიაში – თბილისი“ (GIP-T) “წამების მსხვერპლთა ფსიქოსოციალური და სამედიცინო რეაბილიტაციის საქართველოს ცენტრთან“ (GCRT) თანამშრომლობით, ევროკავშირის ფინანსური მხარდაჭერით.

კვლევა ჩაატარა არასამთავრობო კვლევითმა ორგანიზაციამ „სოციალური კვლევისა და ანალიზის ინსტიტუტი“ (ISSA).

აუდიტორიას კვლევის ანგარიში წარუდგინა იაგო კაჭკაჭიშვილმა (თბილისის სახელმწიფო უნივერსიტეტის პროფესორი, არასამთავრობო კვლევითი ორგანიზაციის „სოციალური კვლევისა და ანალიზის ინსტიტუტი“ ხელმძღვანელი).

პრეზენტაციას უძღვებოდნენ – დარეჯან ჯავახიშვილი (ფონდი „გლობალური ინიციატივა ფსიქიატრიაში – თბილისი,“ პროექტის მეთოდოლოგიური ხელმძღვანელი), ლელა ცისკარიშვილი („წამების მსხვერპლთა ფსიქოსოციალური და სამედიცინო რეაბილიტაციის საქართველოს ცენტრი“, აღმასრულებელი დირექტორი). 

შეხვედრაში მონაწილეობა მიიღო ევროკავშირის პროგრამის ოფიცერმა, ლალი ჩხეტიამ.

ღონისძიების დასასრულს მოეწყო დისკუსია, რომელშიც მონაწილეობა მიიღო როგორც სახელმწიფო უწყებების, ისე არასამთავრობო სფეროს წარმომადგენლებმა.